وصفة المدلعه بكل خطواتها وتكاتها وكله بالصور

السلام عليكم ..
النهاردة جايبالكم وصفة حلويات انما ايه قنبلة ..
المدلعة
الطريقة /بنجهز أولا /الشربات للكنافة والبسبوسة
شربات الكنافة وسط وهو عبارة عن كوب سكر ونصف كوب ماء ولما يغلى نهدى النار ونعصر عصرة ليمون ونضيف معلقتين عسل جلوكوز  ونطفى عليه بعد 15دقيقة
مواضيع قد تهمك
وصفة كنافة بالقشطة والكريمة طعمها وهم
شربات البسبوسة/كوب سكر وكوب ماء وعصرة ليمون وبعد ما يغلى نتركه 10دقائق ونطفى
ونجهز الكريم شانتيه/نصف كوب كريمة بودر خام ومعاه سكر بودرة حسب الرغبة ثم كوب ماء مثلج وخفق والقوام يكون متماسك
نجهز التوفى/كوب سكر نكرمله على النار فى طاسة بدون تقليب على نار وسط هيسيح لوحده وبعدها نضيف معلقة زبدة ونقلب ثم 4معالق قشطة حلويات وهيكتل ومع استمرار التقليب هيفك ولو فيه كتل بسيطة بنصفيها وبعد ما يبرد هيتقل
نجهز الجناش/على النار نضع فى حلة معلقة كبيرة كاكاو خام مع سكر حسب الرغبة ناعم و3معالق كبيرة كريم شانتية بودرة وربع كوب زيت وربع كوب ومعلقتين ماء نقلبهم على البارد ونضعهم على نار وسط ولما يبدء يغلى من الجوانب نطفى وننزل فيه 200جم شيكولاتة جولدن باك مكسورة أو مبشورة ونقلب بالمضرب السلك حتى تذوب ونتركه يبرد يدوب ساعة فى البرد ده وهيتماسك
ثانيا/بنجهز صنيتين مقاس 24
واحدة للكنافة والاخرى للبسبوسة؛ ؛
الكنافة/ربع كيلو كنافة طالع من الفليزر نهريه بايدنا ونضيف له معلقتين سكر بودرة ونقلبه ثم 3معالق كبيرة سمنة بلدى وندعكه ونحضر الصنية ندهنها زبدة ونضع طبقة الكنافة ونضغطها حلو بايدنا ونرش الوش ب4معالق سمنة بلدى وتدخل الفرن ساخن  على نار وسط تشقر من الجوانب نطفى ونولع الشواية وتطلع نسقيها شربات بارد وناخد بالنا تكون صنية أطرافها قصيرة عشان نقلبها بسهولة ولا تتهرى وقت القلب
البسبوسة/كوب ونصف سميد ناعم  نبثه مع 5معالق كبيرة سمنة بلدى ونكون جهزنا على البارد حلة فيها معلقة عسل نحل كبيرةوسكر حسب الرغبة وثلث كوب لبن فقط دافىء مش ساخن ونضيفه على خليط السميد ونجمعه مش نقلب كتير لانها كدة وقت التسقية مش هتشرب الشربات وهتنشف حجر
الخليط جاهز بنحضر صنية مقاس24 ونقص على قد محيطها ورقة زبدة ودى فايدتها لتسهل علينا وقت قلبها وبنحضر الصنية نمسحها بزبدة ثم نضع الورقة ونمسحها من فوقها بزبدة ونضع الخليط ونساويه بمعلقة أو ايدنا والاحسن صنية أطرافها صغيرة أو مسطحةزى بتاعة البيتزا وتدخل فرن ساخن ونولع تحت تشقر الجوانب نطفى ونولع الشواية تاخد لون وتطلع نسقيها شربات ساخن  ؛:كله تمام نجهز الطبقات والزينة
نحضر طبق التقديم نضع الكنافة هى القاعدة تحت ثم بكيس حلوانى أو نفرد فوقها الكريمة ونساويها باسبوتيلا أو معلقة
ثم نضع البسبوسة إللى قلبناها على طبق برة نضعها فوق الكريمة ونضع فوق البسبوسة طبقة كريمة ونساويها ثم فوقها  التوفى إللى عملناه ونفرده بكيس حلوانى ومعلقة ونعمل بالجناش بكيس حلوانى وفتحة صغيرة خطوط فوق التوفى بالعرض وخطوط نوتيلا بالعرض وبعود خشبى من أطراف المدلعة من الأمام للوراء نشد خطوط بالعود وفى كل خط بيطلع معنا من الصوصات نمسح بمنديل ونشد الخط التالى والعود نضيف ..
والف هنااا