في
وصفة
- الحصول على الرابط
- X
- بريد إلكتروني
- التطبيقات الأخرى
النهاردة جايبالكم وصفة انما ايه سريعة وبتنجز فى اوقات الزنقات ..
وصفة فراخ بالخضار فى الكيس الحرارى
باغسل الفراخ كويس جدا وانقعها في مية فيها خل وملح وليمون و"طمطماية مضروبة" دي بقى التكاية بتاعتي اللي بتدمر أي زفارة في الفراخ..
التتبيلة
مواضييع قد تهمك ..
وصفة البرجر البيتى من اوله لاخره بأسهل طريقة
وصفة الجمبرى بالزبدة وصوص الليمون الشهى
وصفة النجرسكو الخطيرة واحلى من براا
كفتة الحاتى المشوية الطرية
وصفة الدجاج البروست المقرمش فاطمة ابو حاتى
كوباية زبادي +معلقة عسل+معلقة صويا صوص+معلقتين زيت زيتون او اي زيت عادي+ عصير ليمونة+ معلقة ك صلصة طماطم+ معلقة خل+ طمطماية مبشورة+ فلفل اسود+ كاري+ كركم+ توابل فراخ"من أسناد"+ ثوم بودر+بصل بودر+قرفة+ ملح
باعمل فتحات في الفرخة بالسكينة و"أشرطها" علشان تتبل كويس .. وباهلط كل المكونات في وعاء كبير واتبل الفراخ بها واشيلها في التلاجة لتاني يوم المكونات دي تبلت بيها ٣ فرخات شويت واحدة واتنين حطيتهم في الفريزر جاهزين على الشوي..
والخضار بقى بطاطس وفلفل اخضر رومي "ممكن تضيفي فلفل ألوان " وبصلة شرايح كبيرة وتبلتهم بفلفل اسود وملح وتوابل مشكلة وكمون وكركم وكاري وزيت زيتون معلقة وقلبتهم ومع الفراخ في الكيس الحراري دخلت الفرخة وبعدها حشيتها خضار والباقي حطيته حولها ومع الخضار والفرخة مج مية وقفلت الكيس وعملت فيه فتحات صغيرة بالمقص..
وممكن نعمل معاها ارز بسمتى هقولكم الطريقه
الأرز البسمتي
نقعت كوبايتين ارز بسمتي
في الحلة حطيت زيت وقليت جزرة مقطعاها صوابع صغيرة وطلعت الجزرة وحطيت زبيب قليته خفيف وطلعته فوق الجزر وفي الزيت اللي في الحلة حطيت فص مستكة وحوالي ٧ فصوص حبهان وورقتين لورا واتنين ليمو صغير وحمرتهم ونزلت بالارز وقلبت لما الارز اتغلف بالزيت وبقى محمص ضفت له ملح ومعلقة صغيرة كركم ونصف معلقة كاري علشان اللون واخيرا ضفت ميه مغلية وهديت عليه النار.. ولما استوى ضفت لح الجزر والزبيب وقلبت الوجه حفيف بحيث يفضلوا على الوجه ما ينزلوش تحت وبعد خمس دقايق طفيت النار..
الف هناا ..