في
وصفة
- الحصول على الرابط
- X
- بريد إلكتروني
- التطبيقات الأخرى
النهاردة جايبالكم وصفه انما ايه حلوة اوى ودايما بنروح ناكلها برا مع انها سهله نعملها فى البيت ..
الكانتون تشكن والنودلز كما يجب أن يكون
Chinese food
حبيت اوضح حاجه علشان في كذا حد بيسأل ازاي لونها كدا واني لازم نحط صويا كتير عشان تطلع لونها كدا لا طبعا
هو دا اللي اكتشفتو في انواع صويا صوص كتير منتشره وحشه جدا ومبتديش لون وكمان حادقه اوي عباره عن ميه بملح..فاأهم حاجه هاتو نوع صويا صوص نضيف ويكون غامق مش فاتح ومستورد مش مصري عشان تطلع زي المحلات وهتلاقوه في اي ماركت كبير
مواضييع قد تهمك ..
وصفة فراخ محشية فريك فى الكيس الحرارى وهم
وصفة العيش الشامى فى الطاسة للسندوتشات
وصفة تخليل الزيتون والليمون والكرنب اللى يفتحوا النفس
وصفة فراخ مشوية فى الشوايه فى الفرن ولا اروع
وصفة البيتزا فى عشر دقايق بجبنه تمط لاخر الشقة
الطريقه....جبت صدور فراخ مخليه وقطعتها مكعبات وتبلتها بملح وفلفل اسود وبابريكا وسماق وسبتها شويه في تتبيله وبعدين حطيت تلات معالق كبار نشا ومعلقتين دقيق وميه وقلبتهم خليط كدا وميبقاش خفيف عشان يمسك في الفراخ....وفي طبق برا حطيت دقيق وعليه معلقه نشا ورشه ملح وفلفل وطلعت فراخ من الخليط علي دقيق وحمرته في زيت غزير وطلعوها تصفي الزيت
وفي طاسه بقا تانيه بحط زيت وبشوح فيها توم مهروس يدوبك يطلع ريحته وبحط فلفل اخضر واصفر واحمر وبقلبهم مع توم وبعدين بحط الصوص
الصوص بحضره برا في بوله بحط كاتشب حوالي اربع معالق كبار ومعلقتين صويا ومعلقه خل ابيض ومعلقه عسل اسود ومعلقه نشا وشويه ميه وندوب كله مع بعضه
وبعدين نحطه علي الفلفل وتوم ويدوب غلوه ونحط الفراخ ونسيب صوص يتقل شويه والفراخ تشرب صوص حوالي دقايق وبتكون جاهزه
ودي مبتبقاش مسكره لاني مبحبهاش مسكره ومبحطش دبس رمان لو عايزنها مسكره حطو وممكن تحطو فلفل اسبايسي بتبقا احلي
والنودلز
بسلق مكرونه شرايط عاديه
والصوص بتاعها تلات معالق صويا ومعلقه كاتشب ومعلقه نشا وميه وبدوبهم
وبحط زيت وتوم مهروس وبعدين صوص ولما يتقل شويه بحط مكرونه وبس كدا
جربوها احلي من برا بكتير والله
الف هناا
تعليقات
إرسال تعليق