وصفه تشيز كيك اللوتس الموفرة بجد تحفه وهتعجبكم

 السلام عليكم ..

النهارده جايبالكم وصفه حلوة اوى متأكده انها هتعجبكم ..

هى تبان انها بتاخد وقت طويل بس بصراحه تستاهل التعب لانها بره غاليه اوى لو اشتريناها ..

المكونات :          

٣ علب بسكوت لوتس كبير

برطمان زبدة لوتس 

علبة كيري ١٢ قطعة وقطعتين 

علبة كريمة حلويات ٢٠٠ ملل 

نص كوباية سكر مطحون 

٢ زبدة لورباك ب١٥ ج 

مواضييع قد تهمك ..
وصفة الزلابيا المقرمشة بطريقة سهلة 
وصفة كيكة النشا المشهورة هشه وجميلة
وصفة كيكة الجيلى بالفراولة والكريمة
وصفة تورتة الفورسيزون وتزيين بشكل خرافى واحترافى
وصفة الكيكة اليابانية هشه وطريه ورائعه
وصفة وافل بصوص الشيكولاتة والفاكهة رهيب
وصفةتارت الفاكهة زى المحلات واحلى
وصفة بسكويت الزبدة الفاخر الرهيب
وصفة تشيز كيك بصوص التوت " البلوبيرى" ع البارد

الطريقة :

هنطحن ٢ كيس بسكوت وأربع وحدات من الكيس التاني +الزبدة اللورباك ، ونفرشهم في الصنية ونضغط عليهم ونسيبهم في الفريزر لحد ما يمسكوا شوية نص ساعة .

بعد كدة ١٤ قطعة كيري + كريمة الحلويات + نص كوباية السكر +معلقتين كبار من زبدة اللوتس ، كل دة في الخلاط مع بعض .

نطلع البسكوت من الفريزر نحط الخليط علية وندخله الفريزر نص ساعة كمان ، بعد كدة ننزلة الثلاجة يفضل يوم كامل فيها .

نجيب باقي برطمان زبدة اللوتس ونسيحة كلة في الميكرويف ، ونطلع الخليط من الثلاجة نحط الزبدة من فوق الوش تغطي الخليط كلة ، يدخل الثلاجة ٤ ساعات وبعد كدة يطلع اطحن ٨ بسكوتات وارشهم من فرق الوش واحط اتنين في الكيكة ..

وبألف هنااا ..