وصفة تخليل الزيتون والليمون والكرنب اللى يفتحوا النفس بأسهل طريقة

السلام عليكم ..
النهارده جمعتلكم وصفات تخليل شويه مخللات مين فينا مبيحبش المخلل اللى يفتح النفس ..
الزيتون
زتون وجزر وفلفل بارد وفلفل حامي و كرفس وتوم ولمون وعادي إي لمون أخضر او اصفر
الزتون تسبيه يومين ف مايه وملح ومتفتحهوش عشان ميسودش
بتجيبي الفلفل تفرميه نص فرمه و تفرمي الثوم وتقطعي الكرفس وافرمي مع التوم كرفس برضو
ابشري جزر وسيبي فلفل سليم يتحط معاه و حطي الثوم عليهم وقطعي فلفل بارد عليهم وبعدين حطي فلفل حامي عليهم وبعد كده حطي الزتيون ف كيس و دوقيه ب أي حاجه بقا
وحطي الزتون ع الخلطه وقطعي عليهم لمون شرايح
و حطي ربع البرطمان مايه ب ملح و كوبايه عصير لمون وتحطي خلطه الزتون بقا و تحطي عليهم من فوق زيت زتون

الليمون المخلل
٣ كيلو لمون اغسليه كويس و اسلقيه و بعد كده اطحي شويه فلفل احمر زي ماتحبي و بعدين تجيبي فلفل اخضر تغسليه كويس و تجيبي البرلمان تحطي ربعه أو اقل شويه مايه والفلفل الأحمر المفروم والفلفل الاخضر المتقطع و جزره مبشوره و كيس ملح ( بس تسيبي من كل دول شويه عشان نحطهم علي وش البرطمان ) وبعدين حطي الليمون و تحطي معاهم فلفل اخضر سليم مفتوح بسكينه و تحطي عالوش باقي الفلفل الاحمر والجزر و الفلفل الاخضر المتقطع
( ملحوظه الليمون مش بيتغيرله مياه بتسلقيه وتشطفيه تخلليه علي طول ) وتفتحي عليه بعد ٢٠ يوم
مواضييع قد تهمك ..
وصفة فراخ مشوية فى الشوايه فى الفرن ولا اروع
وصفة البيتزا فى عشر دقايق بجبنه تمط لاخر الشقة
وصفة الشاورما السورى والكايزر
وصفة ديك رومى مشوى فى الكيس الحرارى
وصفة الكوارع فى الفرن اكلة ترم العضم

الكرنب المخلل
جيبي كرنب قولي الراحل بتاع التخليل يا اما اللي يتبقي منك وانتي بتعملي محشي
قطعيها حلو وحطي عليها ملح و شطه ليله كامله و بعدين تاني يوم جيبي برطمان فيه أقل من ربع مايه
وتحطي فيه فلفل احمر مفروم وجزر مبشور وكيس ملح وبعدين تحطي الكرنب وحطي معاه فلفل اخضر متقطع وفلفل سليم مفتوح بسكينه وحطي علي الوش فلفل احمر مفروم وجزر مبشور
الف هناا